(B)ersos (V)

Sí, son variaciones sobre la mesma tema, ya desde hace algunos años y hace pocos meses. Incluso hoy mismo, en asturiano, gracias a Berta Piñán y a su delicado poemario Temporada de Pesca. Y sí, seguramente mañana, también mañana estará aquí, esa muyer qu’igual quixera ser yo mientres agora, escribiendo, la miro y envidio’l so pasu, cómo suena apartándose nuna dirección contraria, apartándose.

La impostora

(variaciones sobre la mesma tema)

Pudiera ser Isolda apurando la copa

del llocu amor nes brunes lloses

d’Aquitania, con munchu mar

de fondu y grandes decoraos, sieglos

después, sobreviviendo a la lleenda.

Pudiera ser domadora de fieres, guerrera

percorriendo, inútiles, fríes, les siendes

del olvidu o Lucrecia Borgia, amansando

caballos mientres fuera siente’l ruxir

de la batalla. Puediera acompañar a Safo

camín de casa, cuando vuelve

midiendo n’hexámetros la vida

y ser Ofelia ente les flores, amante

de mil reis, soberana o mendiga,

ramera, la muyer barbuda naquel

vieyu anunciu de la infancia.

Pudiera ser tabernera nun chigre

de La Haya, regando en vino escuro’l

sangre i dolor d’unos borrachos,

campesina a les orielles del Yang Tse,

inmóvil al tiempo y al espaciu,

George Sand y les muyeres qu’ella

tarreció o yo mesma, esa otra qu’escueye

siempre la dirección opuesta,

aquella que pudi ser, la que nunca voi ser,

ésta qu’escribe unos versos confusos

nel corredor de casa una tarde cualquiera

y siente’l ríu, los coches y mira

pa esa muyer que pasa y cruza un instante

el so tiempo nel míu,

esa muyer qu’igual quixera ser yo

mientres agora, escribiendo, la miro

y envidio’l so pasu, cómo suena

apartándose nuna dirección contraria,

apartándose.